Concurso

1998

 

 

Textos de la Lhiteratura Oral Mirandesa

Recuôlha, eidiçon i dibulgaçon

 

 

 

 

Preambulo

 

La Frauga — Associação para o Desenvolvimento Integrado de Picote, no âmbito de ls sous projectos de dibulgaçon de la lhengua i cultura mirandesas, realiza un projecto / concurso antitulado Textos de la Lhiteratura Oral Mirandesa: recuôlha, eidiçon i dibulgaçon.

Este projecto serbirá pa la cunstituiçon dua base scrita que puôda serbir cumo documentaçon de la lhengua, cumo anstrumento funcional pa ls sous falantes na scuôlarizaçon i na eilaboraçon lhiterárias. Cunsiste na publicaçon de un ou mais bolumes cun textos an lhengua mirandesa, sobretudo dal cuônto tradicional. La einiciatiba stará abiêrta a todos ls que neilha quérgan participar i regirá-se pul regulamento seguinte.

 

 

Regulamento

 

1. Cada concurriênte nun poderá antregar mais do que cinco textos.

2. Ls textos deberan ser de la tradiçon oral mirandesa e, por isso, l resultado dua recuôlha.

1.2 Son admitidos todos ls géneros lhiterários (cuônto, relatos pessoales, poesie, lengalengas, ouraçones, treato, diálogo, etc.).

1.3 Deberá ser claramente andicada an cada texto la eidentificaçon de l informante (nome, eidade, sítio, data de recuôlha, etc.).

1.4 Eibentualmente, ls textos mandados poderan ser acumpanhados por ua cassete cuntenendo l registro de la recuôlha realizada.

§ único. An ne caso de, por algua rezon, nun se querer la dibulgaçon total ou parcial destes dados, isso deberá ser claramente andicado an cada texto.

2. Ls textos deberan ser apresentados an lhengua mirandesa1.

3. La selecçon de ls textos que constituíran l bolume a eiditar an ne âmbito deste projecto será feita por ua Comisson Científica cunstituída por dous elementos de la Frauga i três outros eilementos representantes i conhecedores de la problemática de l ansino i dibulgaçon de la lhengua mirandesa.

3.1 Cabe a la Comisson Científica la fixaçon i aplicaçon de ls critérios de abaliaçon de ls textos.

3.2 De la Comisson Científica fará parte un Secretário eixecutibo, nomeado pula Frauga, sien dereito a boto i que tenerá por funçon organizar i fazer decorrer ls trabalhos de la referida Comisson.

4. De cada texto concurrente deberá ser ambiado un eisemplar, dactilografado, sin l nome de l autor. Nua fuôlha a parte deberá cunstar solo l nome de l autor, a la borda de l título de l texto ambiado. Assi, la Comisson Científica poderá abaliá-los anonimamente.

4.1 La eidentidade de l autor solo será conhecida pul Secretário eixecutibo de l concurso, que nun participa an ne júri.

4.2 Ls textos deberan ser ambiados, até 15 de Novembro de 1998 (fazendo fé la data de l carimbo de l correio), an carta registada i assinada por pseudónimo, pa la morada de la Frauga.

FRAUGA - Associação para o desenvolvimento integrado de Picote

Rue de la Peinha de l Puio

5225 Picote

4.3 Ls originales nun seran debolbidos quedando an poder de la Frauga. An ne caso an que estes bengan a ser propuôstos para futuras publicaçones, la Frauga cumpromete-se a abisar ls cuncorriêntes.

5. La Comisson Científica proponerá a la Comisson Administratiba l número de textos que dében fazer parte de l bolume a eiditar an ne âmbito deste concurso.

5.1 Ls autores desses trabalhos seran notificados, por scrito, dessa decison.

6. Todos ls participantes seran abisados de la decison tomada subre l sou trabalho.

7. Antre ls autores de ls textos que tengan sido selecionados para l bolume a eiditar an ne âmbito deste concurso será distribuído un prémio monetário de 500.000$00.

7.1 Ls balores a recebir puls autores de ls textos que quéden an 1° (100.000$00), 2° (50.000$00) i 3° (40.000$00) seran diferenciados de ls restantes. Ls critérios de distribuiçon desse montante seran propuôstos pula Comisson científica a la Comisson Administratiba2 a quien cumpite la decison final. De las decisones destas comissones nun hai a recurso.

8. La distribuiçon de prémios será feita nua fiêsta a realizar an simultâneo cun l lhançamento de las publicaçones an data i lhugar a designar.

 

Notas

1 Cumo l cuônto popular mirandês puôde paracer tamien an castelhano ou pertués, aceitaran-se textos an que apareçan dous ou mismo três destas lhenguas.

2 La Comisson administratiba yê ua comisson criada para este projecto i será presidida pul Presidente de la Direcçon de la Frauga i antegrará mais quatro elementos, sendo un membro de la Direcçon desta Associação i três outros representantes de Associaçones ou autarquies locales.